Гістарычная спраўка
Гісторыка-краязнаўчы музей ДУА “Германавіцкая сярэдняя школа Шаркаўшчынскага раёна" быў заснаваны 09 мая 1985 года ў гонар 40-годдзя з Дня Перамогі савецкага народа ў Вялікай Айчыннай вайне, як вынік работы, якая праводзілася настаўнікамі і вучнямі школы пад кіраўніцтвам краязнаўцаў Райчонак Ады Эльеўны і Кожана Кліменція Арсеньевіча. Чырвонымі следапытамі былі ўсталяваны сувязі з воінамі 1406 зенітна-артылерыйскага палка 166-й стралковай дывізіі (2-гі гвардзейскі корпус, 6-й гвардзейскай арміі), які вызваляў вёску Германавічы ад нямецка-фашысцкіх акупантаў. Адбыліся чатыры сустрэчы з вызваліцелямі (1985, 1986, 1991, 1994 гг.), вынікам якіх стала рэканструкцыя музея, заснаванне пакоя баявой славы 1406 ЗАП і папаўненне музейнай экспазіцыі шэрагам матэрыялаў і экспанатаў. Школьны музей таксама ўтрымліваў матэрыялы аб знакамітых людзях нашай мясцовасці, этнаграфічныя экспанаты. У 1992 годзе ад школьнага музея адгалінаваўся музей культуры і быту, які на сённяшні дзень мае статус дзяржаўнага.
З 2000 года дзейнасцю школьнага гісторыка-краязнаўчага музея кіруе настаўнік гісторыі Пучынская Іна Сямёнаўна.
Мэта:
праз арганізацыю даследчай, пошукавай, экскурсійна-асветніцкай дзейнасці далучыць школьнікаў да вывучэння і папулярызацыі гісторыі роднага краю.
Задачы:
стварыць умовы для фарміравання каштоўнаснага светапогляду, грамадзянскасці і патрыятызму, пераемнай сувязі пакаленняў, глыбокай павагі да нацыянальнай спадчыны, традыцый, звычаяў, культуры беларускага народа;
арганізацыі дзейнасці па ахове і прапагандзе помнікаў гісторыі і культуры, прыроды;
актывізацыі пазнавальнай дзейнасці вучняў;
фарміравання актыўнай жыццёвай пазіцыі;
выхавання міласэрнасці, дабрыні, телерантнасці, павагі да людзей.
Структура
Разделы экспазіцыі гісторыка-краязнаўчага музея
Ад першага ўспаміну вёскі Германавічы ў гістарычных крыніцах да
канца XIX стагоддзя
Падзеі кастрычніцкай рэвалюцыі і грамадзянскай вайны
Ветэраны Вялікай Айчыннай вайны – нашы землякі
Ніхто не забыты – нішто не забыта
Партызанскі рух у Шаркаўшчынскім раёне
Пакой баявой славы 1406 зенітна-артылерыйскага палка 166-й стралковай дывізіі
Этапы пройдзенага шляху (гісторыя Германавіцкай сярэдняй школы)
Характарыстыка фондаў
Колькасць асноўнага фонду – 692
Колькасць дапаможнага фонду – 224