1. Агульныя палажэнні
1.1Агульнашкольнае вучнёўскае самакіраванне (далей ВС) – самастойнае, добраахвотнае, маладзёжнае, грамадскае аб’яднанне, якое абараняе правы і інтарэсы вучняў школы і забяспечвае сацыяльнае развіццё моладзі.
1.2 Агульнашкольнае вучнёўскае самакіраванне дзейнічае на аснове прынцыпаў дабраахвотнасці, самастойнасці і галоснасці.
ВС функцыяніруе ў адпаведнасці з рашэннем педагагічнага савета школы і дадзеным Палажэннем.
ВС не з’яўляецца юрыдычнай асобай, не мае самастойнага балансу, рахунку, пячаткі, штампа і бланка.
1.3 Дзейнасць ВС накіравана на ўсебаковае развіццё асобы школьніка, грамадзянскае і патрыятычнае выхаванне моладзі, адраджэнне беларускай культуры, садзейнічае рэалізацыі творчага патэнцыялу вучняў школы праз агульнашкольныя мерапрыемствы, фарміраванню ў падлеткаў здаровага ладу жыцця.
1.4 ВС падтрымлівае кантакты са сваімі аднагодкамі для абмеркавання і пошуку механізмаў вырашэння праблем, якія звязаны з правамі дзіцяці.
2. Мэты, задачы і метады дзейнасці
2.1 Мэты і задачы ВС:
- садзейнічанне гуманізацыі працэсу адукацыі, рэалізацыі творчага патэнцыялу вучняў школы;
- фарміраванне здаровага ладу жыцця падлеткаў;
- усебаковае развіццё асобы школьніка;
- грамадзянскае і патрыятычнае выхаванне моладзі;
- адраджэнне беларускай культуры;
- абарона правоў дзіцяці;
- забяспечанасць інтэлектуальнага і маральнага развіцця асобы, фізічнай
падрыхтоўкі;
- сацыялізацыя асобы школьніка;
2.2 Метады дзейнасці ВС:
- удзел у агульнашкольных выхаваўчых мерапрыемствах, калектыўных, творчых справах, святах, канцэртах, спартыўных спаборніцтвах, конкурсах і тэматычных выстаўках;
- актывізацыя творчага патэнцыялу школьнікаў праз удзел ў зборы і вывучэнні матэрыялаў па гісторыі і развіцці дзіцячага і грамадскага руху;
- удзел у рэспубліканскіх дзіцячых і маладзёжных арганізацыях.
3. Правы вучнёўскага самакіравання
3.1 ВС мае права:
- прадстаўляць і абараняць правы і інтарэсы вучняў на педагагічных саветах школы;
- удзельнічаць у рабоце савета школы;
- атрымліваць і распаўсюджваць інфармацыю, якая мае адносіны да дзейнасці ВС;
- удзельнічаць у падрыхтоўцы і абмеркаванні агульнашкольных мерапрыемстваў;
4. Структура і органы кіравання ВС
4.1 Аснову ВС складаюць класныя калектывы.
4.2 Кіруючым органам пярвічнай арганізацыі з’яўляецца агульны сход класнага калектыву.
4.3 Для правядзення бягучых спраў класныя калектывы выбіраюць на агульных сходах старасту класа, яго намесніка і членаў камісіі.
4.4 На пасяджэнні прадстаўнікоў класных калектываў выбіраюцца кіруючыя органы ВС школы, якія дзейнічаюць у адпаведнасці з дадзеным Палажэннем.
4.5 Нормы прадстаўніцтва, парадак выбараў у агульнашкольныя органы вучнёўскага самакіравання вызначаюцца на агульнашкольным сходзе членаў вучнёўскага самакіравання.
4.6 Члены ў агульнашкольныя органы ВС выбіраюцца тэрмінам на адзін год. Пры гэтым класныя калектывы маюць права адклікаць свайго прадстаўніка з ВС і замяніць яго іншым.
Правы школьнікаў у арганізацыі самакіравання
1. Выбіраць і быць выбраным у органы вучнёўскага самакіравання класа, школы
2. Удзельнічаць ў рабоце вучнёўскага самакіравання
3. Уносіць прапановы па паляпшэнню работы школы
4. Удзельнічаць у абмеркаванні і распрацоўцы дакументаў, матэрыялаў па самакіраванню
5. Свабодна выказваць і адстайваць сваю думку
6. Прадстаўляць вучнёўскі калектыў у грамадскіх арганізацыях
7. У выпадку неабходнасці звяртацца за дапамогай ў органы вучнёўскага самакіравання, да старэйшых таварышаў
8. Выступаць з крытыкай і самакрытыкай
9. Удзельнічаць у разглядзе патанняў заахвочвання таварышаў па класу, школе
10. Прысутнічаць на паседжаннях савета школы.
11. Выбіраць від дзейнасці, дзейнічаць самастойна
12. Выбіраць від дзейнасці, дзейнічаць самастойна
13. Весці самастойны пошук у пазнаваўчай дзейнасці
14. Звяртацца пры ўзнікненні канфліктных сітуацый за дапамогай у органы вучнёўскага самакіравання
Абавязкі школьнікаў у арганізацыі самакіравання
1. Творча падыходзіць да сваіх абавязкаў
2. Актыўна ўдзельнічаць ў падрыхтоўцы, правядзенні і распрацоўцы рашэнняў агульных сходаў класа, школы
3. Несці асабістую адказнасць за работу свайго класа, школы перад агульным сходам
4. Развіваць самастойнасць малодшых школьнікаў
5. Рабіць справаздачу перад вышэйшым органам вучнёўскага самакіравання за даручаную справу
раскрыть » / « свернуть