З 28 чэрвеня па 19 ліпеня на базе ўстановы адукацыі
"Германавіцкая сярэдняя школа Шаркаўшчынскага раёна"
працуе грамадзянска-патрыятычны лагер “Нашчадкі”
Мэта дзейнасці лагера:
стварэнне ўмоў для арганізацыі паўнавартаснага, карыснага і цікавага адпачынку школьнікаў на аснове сатворчасці навучэнцаў і педагогаў з улікам асаблівасцей сацыяльнай і прыроднай прасторы.
Задачы:
- спрыяць выхаванню ў навучэнцаў патрыятызму і грамадзянскасці на прыкладах гераічнага подзвігу савецкага народа ў гады Вялікай Айчыннай вайны;
- далучыць школьнікаў да пошукавай і даследніцкай дзейнасці;
- арганізаваць валанцёрскую работу;
- развіваць здольнасці навучэнцаў на аснове рэалізацыі іх інтарэсаў і патрэбнасцей.
Садзейнічаць фарміраванню ў дзяцей і падлеткаў:
- працавітасці як умовы сацыяльнай паспяховасці;
- беражлівых адносін да свайго здароўя, усвядомленай патрэбнасці ў здаровым ладзе жыцця;
- камунікатыўных навыкаў, дасугавай культуры.
Навучэнцы 1-10 класаў, якія адпачываюць у лагеры, аб’ядналіся ў атрады “Ручайкі”, “Тутэйшыя”, “Спадчына”. Старшакласнікі, якія ўваходзяць у школьны экалагічны, атрад стварылі валанцёрскі велаатрад “Спадарожны вецер”
Патрыятызм пачынаецца з адказнай працы і таму усе навучэнцы ўдзельнічаюць у працоўных акцыях: займаюцца праполкай школьнага агарода, наводзяць парадак у школьным двары, на тэрыторыі каля архітэктурных помнікаў аграгарадка Германавічы.
Напярэдадні Дня Незалежнасці падчас акцыі “Абеліск” школьнікі займаліся добраўпарадкаваннем сквера-мемарыяла ў гонар воінаў 1406 ЗАП, помніка нашым землякам, якія загінулі ў гады Вялікай Айчыннай вайны, брацкай пахавання воінаў 166-й стралковай дывізіі ў в. Жукі Ложныя.
Пасля працоўных акцый усе з задавальненнем адпачываюць: удзельнічаюць у спартыўных спаборніцтвах, гульнях, конкурсах, экскурсіях.